Laklubar wanan Anau edi (Dadolin))

AMUTUK ITA BELE

Laklubar hunan anau edi

Laklubar rahun barí edi

Anau barí tu’a betun edi

Awa’a, atane rasik  ita larek

Laklubar hunan anau edi

Laklubar rahun barí edi

Tu’a betun ro lima sole lo matan

Ka’i betun ro lima  hakat  lo laun

U arohan, atane lima, ti Na’i Maromak

U atilak amulak ti larek wulun

Rai mata ti ami Laklubar wanan

Ne badinas ti ami Laklubar nain

Ma mutu he nia, he Laklubar usar

Sole mutu hori nia lala ysa saik

Nadodon lau kariklau waiwain

Tibusik ti karik ti waiwain

Anoin ysa saik hu’at ita larek

Mane’ok ysa saik odi kui rasik

Rai amutuk hahahuan una ysa saik

Ita nobu amutuk ita hi bele!
~o0o~

Konferénsia KMA (Klibur Manatutu Anan) sub distritu Laklubar nik realiza he Sábadu, lelon 23 hula Fevereiru 2012 he aula eskola Sekundária Dom Basílio Laklubar. Rezultadu hori Konferénsia lei ami konfresista sira konsege amili Prezidente ti Piu Nelson, Vise Prezidente ti Raimundo Soares, Secretáriu ti Vitor Soares Trezoreira ti Ricardina Sarmento nora Maria Fátima Amorin. Konferensista sira nomeia nora delegado/a nain-25 nora tan seksaun sira. Estrutura ba arí nia odi responde ejijénsia KMA Distritu nik ein-jerál. Delegadu/a sira prepara wao para una ti partisipa he konferénsia Distritu nik. Notísia nia publika tarde tanti blogger na'elas li'i depoizde konferénsia.

Knanauk Morin ti Na'i-wulun sira (dadolin XXXI)

Se talina sei ti, tatoli morin
Lo'e mata awa'a, ti progresu
Ananu alerik, nakar hori houk
Lu'i, dolik na'i-wulun, odi rai-mata

Knananuk kantiga tutan ma ita
Ananu asudin sae lo houk
Sae lo houk, rata na'i-wulun sira
Se talina odi sei, tetu mela ti.

Vizita Hilarry Clinton ma Timor

Xanana : u me’i karik lalan ysa
Hilarry : lo’o ni edi bouk, ahali ro lima saik!
Xanana : ehmm….
-
Depoizde asudi ro nora Primeiru Ministru nora membru Governu sira, Hillary ti vizita hina Koperativa Kafé Timor.