Sunday, March 3, 2013

Laklubar wanan Anau edi (Dadolin))


AMUTUK ITA BELE

Laklubar hunan anau edi
Laklubar rahun barí edi
Anau barí tu’a betun edi
Awa’a, atane rasik  ita larek

Laklubar hunan anau edi
Laklubar rahun barí edi
Tu’a betun ro lima sole lo matan
Ka’i betun ro lima  hakat  lo laun

U arohan, atane lima, ti Na’i Maromak
U atilak amulak ti larek wulun
Rai mata ti ami Laklubar wanan
Ne badinas ti ami Laklubar nain

Ma mutu he nia, he Laklubar usar
Sole mutu hori nia lala ysa saik
Nadodon lau kariklau waiwain
Tibusik ti karik ti waiwain

Anoin ysa saik hu’at ita larek
Mane’ok ysa saik odi kui rasik
Rai amutuk hahahuan una ysa saik
Ita nobu amutuk ita hi bele!
~o0o~

No comments: