Laklubar oras-nia banas lare-ahuk natukur oi, movimentu ekonómiku banas laután, nain rodi kanauk anak ma rasosa he merkadu badinas dukaduka. Aba ti lelon telu he lei (Kinta 30 de Agostu-2 de Setembru). Uwa’a progresu lak lahelok. La ysa saik ni kura bi kiré hei. Wer he vila lalan maran dudekor oi, naturuk huan ysaysa . Autoridade lokál bi rarai matar, una povu padese nahati ti wer-inun. Komunidade susar raba una asesu ti wer na’i Maromak ysa nia. Bitada t governu hina lo’e ni matan e laek.
(Foto primeiru: Lali wer he Wer-Urun ora BT; segundu: kasi'uk Ru-wun-dumesak, ateke lo serik Aríturis; terseiru/kuartu: merkadu itak, hahi kaek helin bi kaek dar)
