Laklubar oras-nia banas lare-ahuk natukur oi, movimentu ekonómiku banas laután, nain rodi kanauk anak ma rasosa he merkadu badinas dukaduka. Aba ti lelon telu he lei (Kinta 30 de Agostu-2 de Setembru). Uwa’a progresu lak lahelok. La ysa saik ni kura bi kiré hei. Wer he vila lalan maran dudekor oi, naturuk huan ysaysa . Autoridade lokál bi rarai matar, una povu padese nahati ti wer-inun. Komunidade susar raba una asesu ti wer na’i Maromak ysa nia. Bitada t governu hina lo’e ni matan e laek.
(Foto primeiru: Lali wer he Wer-Urun ora BT; segundu: kasi'uk Ru-wun-dumesak, ateke lo serik Aríturis; terseiru/kuartu: merkadu itak, hahi kaek helin bi kaek dar)
1 comment:
Loos, progresu seri lak bitak he ita larek.La'ós hori Governu ka Estadu saik maibé hori mós misaun nasaun de'ot sirak, anesa, Portugál, Brazil, Austrália noro de'o-de'ot tan karik. Bouk, la nobu-nobu una nasole anesan saik hi susar anak lú. Seri hi runa tetoik odi lau lo oin, seri hi runa maru-marun ha'e anesa lenuk bana sole. Naha seri oler hi siluha oi te runa. Wa'ik lau ita makika, aholek, sakur rata kakorok na'elas hosi hi runa li'i anak lú, maibé anesa ba obriga. Nain nobu rakasek ra ukun, maibé la'ós nain nobu ratada ra ukun. Q2 Tidin-Botir
Post a Comment