Eventu balun iha tempu Portugés (Patrimóniu Moris II)

 

Rekordasaun hosi tempu Timor Portugés (Província Ultramarino), biban ne’ebé Timor-Leste sei sai parte hosi Governo da República Portugesa nian. Vídeo ne’e kria iha dékada 1960 iha Dili.

DIDI (knanauk ho dalen Idáte)

DIDI

Didi u doben kmo'ok

U ne ateman u domin ti ó

Tantisá he yi’ak

Ó musi au bi loin la yisa

Ó modi selor modi lau au.

Hori uluk aba tada karik

Hi bi ne dar domin ti ó

Tantisá be kalou? he yi’ak oler hosi u tada

Ó modi domin boso saik au

 Reff:

La yisa, la yisa au saik ba sala

Au bi huak, u lalan bi na’elas...

La ene mene ó muna ti au

Nain selor hi runa ti ó.

-

Knananuk ne'e hahú halo gravasaun ba fita kasete iha tinan 1987, karik ha'u la sala Primeiru Kantór ba múzika ne’e naran Santos. Iha tempu ukun-an iha dékada 2000, realiza hikas segunda gravasaun hosi Abio Salsina. Iha 2023 ne’e, Gil da Costa do Espírito Santo ho nia kriatividade transforma fali letras refraun nian hosi Tetun ba Idáte. No ha'u haree seidauk kompletu, ha'u aumenta tan ba kuadru 1 ho 2 nian nu'udar ita haree iha vídeo no letras iha leten.

Dança da Cobra (Patrimóniu Moris I)

 

                                          Dança da Cobra

Bidu-dahur/ tebedai iha Postu Administrativu Laclubar, Munisípiu Manatuto durante dékada 1950, momentu ne’ebá ha'u-nia aman no belun balun nia aman sei klosan. Dansa tradisionál ka tebedai/ bidu-dahur ne’e tuir kultura dalen Idáte nian no kuaze hanesan hela ho balun ne’ebé eziste iha territóriu Timor-Leste  tomak, no malae mutin Portugés sira hanaran fali nu'udar Dansa Samea (Dança da Cobra), enkuantu iha Laclubar, ema kostume bolu de'it “dahur”  ka “tebedai”.

Iha dahur/ dansa tradisionál ne’e, feto sira sei dere babadók (batuki) no dere dadír ho ai rohan ida bobar ho hena. Iha instrumentu 2 de'it mak dominante mak: babadók no dadír. Dadír nu'udar instrumentu ne’ebé labele falta bainhira babadók lian.  Dadír ne’e feitu hosi riti (sosa hosi rai-li’ur), nia klaran bubu kabuar forma hanesan karau husar.  Feto sira be kaer instrumentu ne’e ho dalen Idáte hanaran “Dahur-nain”, sira sei dere ho melodía ne’ebé furak tebe-tebes hodi bidu hakse’ek hadulas uluk, iha fatin tetuk ida nu'udar ita haree iha vídeo daudaun ne’e. Enkuantu mane ne’ebé tama ba dahur ne’e ho dalen Idáte hanaran “Lore-nain”, sira sei kaer surik ka lensu hodi dansa hakse’ek hasoru feto dahur-nain sira. Prosesu dansa ne’e hahú uluk hosi feto (dahur-nain) sira dere sira-nia instrumentu, hafoin mane (lore-nain) sira tama ba anima.

Bainhira mane lore-nain ida lolo nia surik ka lensu hodi daku ba-mai iha feto dahur-nain nia oin ka rentós ne’e, iha signifikadu rua katak: (1) mane oan ne’e hakarak espresa nia laran haksolok, (2) bele mós iha sentimentu domin ba feto oan ne’e. Bainhira feto oan dahur-nain ne’e hasai mós nia hamnasa ki’ik (sorizu/ senyuman) ne’e bele signifika (1) babain de'it hodi halo mane oan haksolok netik, (2) iha mós respons domin ba mane oan ne’e.

Glosáriu ba dalen Idáte:

Baba: babadók/ batuki nu'udar instrumentu ne'ebe feitu hosi ai ho bibi  nia kulit.

Dahur-nain: feto ho funsaun toka instrumentu ne’e hodi hatais tais-feto (sabulu), lipa, ka kabaya. 

Dadír: instrumentu ne'ebé feitu hosi riti ho tamañu belar kabuar, no kabuar ki'ik ida tan iha klaran hanesan karau husar. 

Eti-eta: hena hodi bobar ba kabun nu'udar futukabun hodi hametin tais ne’ebé nia hatais.

Kabo: fatin públiku

Leka: fatin tebedai (bidu-dahur)

Lore-nain: Mane ne’ebé dahur/ tebedai no sei hatais tais-mane, bobar hena mutin (eti-eta) iha kanotak nu'udar futukabun espesiál ba tebedai no serimónia ritual seluk ne’ebé komún eziste iha rai doben TL, sira kesi manulain (manu-fulun) ka kaibauk iha ulun, tara ka hahenu mós mortén ka belak iha hirusmatan, kesi dasarai (bibi-fulun/bebeto) iha ain-kabun, kaer mós surik ka lensu nu'udar alternativu seluk.

Mane sira sei dahur hodi hananu ho kantiga be oioin, maibé iha vídeo ne’e ita rona sira haklalak de'it ho liafuan “ai didauwe, didauwe” tanba laiha koordenasaun di’ak ho cameraman, no sira lahatene katak malae filma hela sira, malae hafuhu subar hela ko kamera maibé avó sira lahatene, tanba iha biban ne’ebá avó sira-ne’e seidauk iha koñesimentu ba kamera, sira hanoin katak malae kaer hela besi baibain ruma.#

https://audiovisualarchives.org

  

Desportu Futebol Laclubar nian Agora no Futuru

 

Empreza Telkomcel estabelese Torneiu Futebol ida ho naran Telkomcel Cup iha munisípiu Manatuto hodi konvida klubu joven hirak-ne’ebé eziste iha munisípiu Manatuto hodi kompete jogu durante fulan 1 Juñu-Jullu 2023 nia laran. Hosi Posto Administrativo Natarbora no Soibada la responde konvite no la marka prezensa, entretantu partisipa iha torneiu refere kompostu de'it hosi posto administrativo Manatuto Vila, Laclo, Laleia no Laclubar. Ho nune’e iha loron 20 de juñu: klubu Laclubar FC kontra no manán Nunber FC ho pontus 5-0; iha loron 22 de juñu: Laclubar FC manán Carlilo FC ho pontus 4-1; no iha loron 28-06-2023 Laclubar FC manán tan Sau-Huhun FC ho pontus 1-0. Nune’e Laclubar sei avansa ba meius finais, no iha loron 02-07-23: Laclubar FC manán Balimas FC ho pontus 1-0 iha meius finais, golu furak ne’e oferese hosi sutu bonitu ida hosi Manuel Soares ho kamizola númeru 13 iha minutu 81 molok jogu remata, no golu bonitu ne’e mak deside Laclubar FC avansa to’o Final.

Iha loron 06-07-23: Laclubar FC hasoru malu ho Aitehen FC iha kampu Aitehen, Manatuto. Jogu finál ne’e lideradu hosi árbitu Ameun hosi Manatuto Vila. Primeiru golu fera hosi Laclubar FC iha minutu 2 primeira parte nian hosi Benjamim Mausoko ho kamizola númeru 11. Tuir fali, iha minutu 26 akontese sorte at tanba “golu oho-an” 1 hosi jogadór defeza Laclubar nian rasik ho naran Joanito Maduan kamizola númeru 15, ho nune’e pontus muda ba 1-1.

Bainhira tama ba segunda parte, Aitehen hatama fali golu 1 hosi jogadór númeru 9 iha minutu 63 no ho ida ne’e Laclubar FC tenke lakon ho pontus 1 a 2. Entretantu, antes ne’e iha minutu 51 árbitu Ameun foti kartaun amarelu fó ba Carlo Ario kamizola númeru 10 tanba jogadór Aitehen FC ida selok monu tiha Ario iha liña 16/ área penalidade (área penalty) nian, entaun Ario protesta árbitu tanba la hú falta ba jogadór Aitehen ne’ebé foin selok monu nia, maibé árbitu hasai tiha liafuan tolok ba Ario no foti kartaun amarelu fó tan ba Ario. Espetadores no supporter sira hosi Laclubar FC sente la haksolok tanba atitude árbitu nian.

To’o jogu remata pontus nafatin ho 2-1 ba Aitehen FC, nune’e Aitehen FC mak sai nu'udar primeiru lugar, segundu lugar ba Laclubar FC, no terseiru lugar ba Balimas FC. Laclubar FC tenke simu derrota 1-2 ho Aitehen tanba árbitu la neutru (inklina liu ba Aitehen), maske nune’e, Laclubar FC simu duni rezultadu sein protesta ho espíritu desportivu ne’ebé forte ho esperansa katak iha futuru foin-sa’e Laclubar on sira tenke sólidu nafatin ho dixiplina, no forte liután._

Klubu Laclubar FC akompañadu hosi ofisial treinadór na’in 3 mak señor Olívio Soares (Alibik), señor Mariano E.S (Marito), no señor Bonifácio (Abony), sira na’in 3 mesak eis jogadór ne’ebé sei ativu hodi fó apoiu ba jogadór foin-sa’e sira Laclubar nian._

Mini Kampaña Fretilin nik he Laclubar

 

Ora maluk partisipante sira warila komísiu Fretilin nik kabesi naha una remata he Laclubar, he lelon 2 Maiu 2023, warila Sekretáriu Jerál Fretilin na ne mensajen kampaña nik kahida ti programa Fretilin nik una implementa warila Fretilin manán nodi na ukun he períodu 2023 – 2028. Agora didiu nia una implementa uluk Wer-inu ti Laclubar vila, tuirmá, he hula nia ni lalan una atutan nora duambata hori kruzamentu Rulalan tama Laclubar. Foto ysa rahak nia hori kaharuk ti Beni, Jaime Moniz, Antonio Kotomoruk nora tan ...? (naran bitada)

Lalosuk Aitutuk Ba Henia Ha'e

Lalosuk merahui ba ka’i ha’e

Aitutuk Oe kale'uk ba sirena ha’e

Kohelulun makerek ba henia ha’e

Hi bisaran dar ti ó eta eta. 

Akadiru Fuan Tos

Akadiru Fuan Tos

-

Akadiru fuan tos

Noi fuan metin

Noi fuan  metin

Akadiru fuan tos

-

Akadiru fuan midar

Noi fuan buras

Noi fuan buras

Akadiru fuan midar

~o0o~

versaun Idate mak:

Akadiruk huan tos
Kalou huan betun
Kalou huan betun 
Akadiruk huan tos
-
Akadiruk huan midar
Kalou huan buras
Kalou huan buras 
Akadiruk huan midar
~o0o~

nota: primeira kuadra: dadolin antiga orijinal/ autor: NN

Segunda kuadra: ha'u-na'in mak dezenvolve tan 
inklui versaun Idate nian

Idá-T Bisiluha

Idate Bisiluha

-

U mori ma, lak oi naha

U mori ma, su’ar oi naha

U su’ar banati, tuir u inak

U sei u su’ar, hori u inak

-

Haha Ynan Idate, haha auk meker

Nahodi nanorin, rata lelon nara

Haha Ynan Idate, haha auk meker

Sole rata mene-mene, bi siluka dar.

-o0o-

La Haluha Idate (versaun tetun)

-

Ha’u moris mai, iha nanis ona

Ha’u moris mai, ko’alia nanis ona

Ha’u ko’alia banati, ha’u-nia inan

Ha’u rona ko’alia, tuir ha’u-nia inan

-

Lia Inan Idate, ha’u-nian nanis

Hakiak hanorin, to’o ohin loron

Lia Inan Idate, ha’u-nian nanis

La’o lemo rai seluk, la haluha nia.

-o0o-

Prezervasaun ba Fatin Istórika

Fatin Istórika  hirak-ne’e nu'udar Patrimóniu ne'ebé 
presiza hetan atensaun hosi Governu Lokál

no Komunidade hahú ohin ba Aban Bainrua

Quando tu morreres, as estrelas virão todas no teu caixão

(Bainhira ó mate, fitun sira sei nabilan leno tomak mai ó-nia kaixaun). 
Fraze ne'e hakerek iha plaka postu sintenela ne'e nia okos, 
bainhira ita tama ba, ita hateke ba leten, ita sei lee letra 
ho kor orijinal iha plaka mean ne’ebé mak sei mantein nafatin to'o agora.

Governu no Estadu tenke hadi’a hikas edifísiu ne’e, fatin ne’ebé ha’u hahú koñese eskola, profesora Brígida Moníz nu’udar ha’u-nia primeira profesora iha Ensinu Primária no 1^a. Classe, tuir fali iha 2^a Classe ho profesora Maria Braga, alferes militár ida nia espoza molok ha’u muda ba Colégio de Soibada (1973-1975)  

Eis rezidénsia Chefe de Posto de Laclubar

Ha’u koñese fatin ne’e hahú hosi Chefe de Posto Gaspar,

Chefe de Posto Jose Monteiro, Brandão to’o ikus mak Antonio Pieade to'o 1975.

Durante tempu okupasaun Indonéziu,

hahú 1976 TNI sira uza ba KORAMIL

(Komando Rayon Militer) to’o hetan estragu hanesan ita haree iha imajen.

Posto Sintenela militár CCAÇ-13, abandonadu laiha limpeza

 

Odamatan Paiól (armazén kilat) CCAÇ-13 nian ambondanadu no laiha limpeza, tenke halo limpeza karik lae joven sira aproveita fali iha tempu nakukun.